Bergþór Pálsson verður einsöngvari á fjölskyldutónleikum Sinfóníuhljómsveitar Íslands laugardaginn 5. mars kl. 14, sem nefnast Nornir og töframenn. Við heyrum í rússnesku norninni Baba Jaga, sem flýgur um á kústskafti og hnuplar börnum, heyrum norskan trölladans úr leikhústónlist Griegs við Pétur Gaut, auk þess sem sjálfur Frankenstein verður sérstakur gestur á tónleikunum. Sögumaður er Halldóra Geirharðsdóttir og stjórnandi Bernharður Wilkinson.
