Author: admin

Gleðilegt ár, ágætu skólastjórar og söngkennarar !

Með þessu bréfi viljum við benda á söngnámskeið Listaháskóla Íslands, sem haldið verður í húsakynnum skólans að Sölvhólsgötu 13, þann 11. og 12 febrúar 2011.
Námskeiðið er liður í kynningarstarfsemi skólans.
Kennsla fer fram, bæði í einkatímum og hóptímum. Söngnemum á framhaldstigi er boðin þátttaka og er öll kennslan ÓKEYPIS, þessa helgi.
 
Söngkennsla  á námskeiðinu er í höndum Elísabetar Erlingsdóttur og píanóleik annast Selma Guðmundsdóttir.
Þeim sem vilja taka þátt í námskeiðinu, er bent á að senda nafn sitt og símanúmer til LHÍ á tölvupóst :  soleybjort@lhi.is  fyrir 3. febrúar, 2011. 

Virðingarfyllst,

Elísabet Erlingsdóttir
Fagstjóri söngdeildar LHÍ.

Sigurvegarar úr einleikarakeppni Sinfóníuhljómsveitarinnar og Listaháskóla Íslands koma fram á tónleikum fimmtudaginn 13. janúar kl. 19.30, en þeir eru alla jafna einhverjir þeir skemmtilegustu á árinu. Það er sannkallað gleðiefni hversu margir efnilegir tónlistarmenn leynast í skólum landsins og ávallt stór stund þegar nokkrir þeirra fá að stíga á svið með hljómsveitinni. Á þessum tónleikum ríkir ávallt sérstök spenna, eftirvænting og stolt yfir þeim mikla mannauði sem íslensk þjóð býr yfir.

Þetta eru tónleikar sem áhugamenn um framtíð íslenskrar tónlistar láta  ekki fara fram hjá sér. Námsmenn og ungt fólk fær 50% afslátt af miðaverði í miðsölunni í Háskólabíói.

Stjórnandi Bernharður Wilkinson
Einleikarar Birgir Þórisson píanó, Jane Ade Sutarjo píanó, Andri Björn Róbertsson söngur

Efnisskrá:
Gershwin – Rhapsody in Blue
Chopin – Píanókonsert nr. 1
Mozart – Ein Mädchen oder Weibchen og Madamina! Il catalogo
Bellini – Il mulino..Vi,ravviso
Händel – Leave me, loathsome light

Miðasala á sinfonia.is