Author: admin

Katherine Verdolini Abbott, Ph.D., CCC-SLP: Rödd og raddveilur

Posted on by admin

Námsáætlun: Rödd og raddveilur

Háskóli Íslands

26. – 30. ágúst 2013

Katherine Verdolini Abbott, Ph.D., CCC-SLP

kav25@pitt.edu

Sími: +1-412-983-0836

 Dagskrá

Mánudagur 26. ágúst 10:15 – 13:00

Þriðjudagur 27. ágúst 8:20 – 15:30 (með hádegishléi)

Miðvikudagur 28. ágúst 8:20 – 12:20

Fimmtudagur 29. ágúst 8:20 – 15:30 (með hádegishléi)

Föstudagur 30. ágúst 8:20 – 15:30 (með hádegishléi)

 Kennslustofa

Snorrabúð, fyrirlestrasalur Söngskólans í Reykjavík, Snorrabraut 54

 Markmið námskeiðs

Láta í té upplýsingar um (a) raddveilur og hvers vegna slíkar upplýsingar eru hvort tveggja í senn samfélagslegar og persónubundnar; (b) líffærafræði, lífeðlisfræði og líffræði raddar; (c) algengustu raddmein og hvernig þau hafa áhrif á röddina; (d) meginþættir raddathugunar; og (e) kynning á meginþáttum raddþjálfunar fyrir börn og fullorðna, dæmi um þjálfunarmódel og gagnreyndar aðferðir í meðferð.

Verklag í tímum

Fyrirlestrar og verkefni er tengjast lausnarleitarnámi (problem-based learning); þátttaka nemenda í stýrðum verkefnum er snerta rödd, raddveilur, athugun og meðferð.

 Aðallesefni

Titze, I.R. & Verdolini Abbott, K. (2012). Vocology. Salt Lake City, Utah: National Center for Voice and Speech.

Dags. Viðfangsefni
26. ágúst Kynning á rödd og raddveilum

Líffærafræði barkakýlis

Lífaflfræði og lífeðlisfræði raddar (kynning)
27. ágúst Lífaflfræði og lífeðlisfræði raddar (framhald)

Raddmein
28. ágúst Athugun á rödd

Lögmál hreyfináms (principles of motor learning)
29. ágúst Hvernig bregst skjólstæðingur við meðferð?

Meginþættir raddþjálfunar fyrir börn og fullorðna
30. ágúst Raddþjálfun barna og fullorðinna: útlistun og sýnikennsla

 

Námskeið um rödd og raddveilur – Prófessor Kittie Verdolini

Posted on by admin

Spennandi námskeið um rödd og raddveilur í ágúst

Námsbraut í talmeinafræði við HÍ hefur fengið talmeinafræðing og sérfræðing í raddveilum frá Bandaríkjunum til að kenna hluta af námskeiðinu Rödd og raddveilur í haust. Kittie Verdolini (fullu nafni Katherine Verdolini Abbott) er prófessor við háskólann í Pittsburgh í Bandaríkjunum. Hún kenndi sama námskeið fyrir tveimur árum og þótti einstaklega góður og líflegur kennari með gríðarmikla þekkingu á raddveilum, m.a. söngvara. Í ár gefst söngvurum, söngnemum/leiklistarnemum og öðrum sem þurfa að reiða sig mikið á röddina í starfi og leik hið einstaka tækifæri að sitja námskeiðið með talmeinafræðinemunum. Efni námskeiðsins er ætlað talmeinafræðinemum en stór hluti þess nýtist öðrum þeim sem áhuga hafa á röddinni og raddveilum. Í námskeiðslýsingu í kennsluskrá stendur að farið verði í lífeðlisfræði raddar, orsakir raddveilna og sjúkdómafræði þeim tengdum. Fjallað verður um greiningu og meðferð á raddveilum og hljómvanda hjá börnum og fullorðnum. Nemendur kynnast ýmsum hugtökum og rannsóknum raddvísinda. Fjallað verður um fyrirbyggjandi aðgerðir til að draga úr hættu á raddveilum. Að lokum mun Kittie hitta fyrir skjólstæðinga með raddveilur í kennslutund með það fyrir augum að kenna nemendum að meta eðli raddveilna og fá tilsögn í hvernig hægt er að draga úr einkennum þeirra.

Námskeiðið í heild stendur í fimm daga dagana 26. – 30. ágúst, samtals í 36 kennslustundir (eða rúmar 28 klukkustundir). Þrjá daga verður kennt allan daginn (samtals 6 klukkustundir með klukkutíma matarhléi og stöku kaffihléi) og tvo daga verður kennt hálfan daginn.

Þátttökugjaldi er haldið í algjöru lágmarki. Þeir sem sitja allt námskeiðið greiða kr. 20.000 en námsfólk greiðir kr. 15.000. Þeir sem vilja sitja hálft námskeiðið og velja einstaka daga í samræmi við námskeiðslýsingu greiða kr. 15.000, námsmenn kr. 10.000.

Nánari námskeiðslýing er væntanleg.

——————————————————————————————-

Í hnotskurn:

Námskeið: Rödd og raddveilur
Fyrirlesari: Kittie Verdolini Abbot prófessor í talmeinafræði
Tími: 26. – 30. ágúst 2013
Staður: Tilkynnt síðar

Áhugasamir vinsamlega hafið samband við Dagrúnu Hjartardóttur (dagrunhj@gmail.com) eða Þóru Másdóttur (thoramas@hti.is eða tm@hi.is). Sætafjöldi ræður hvar námskeiðið fer fram en búast má við að fjölda þátttakanda verði að takmarka að einhverju leyti.