Heimasíðunni er haldið úti af Félagi íslenskra söngkennara. Félagið var stofnað 9. okt. 2006 og er ætlað að vera vettvangur fyrir söngkennara til að ræða saman um fagið og skiptast á upplýsingum. Þá er félagið aðili að alþjóðasamtökum söngkennara og gefast þar möguleikar fyrir félaga til að hafa samband við kollega erlendis, fara á ráðstefnur og námskeið o.s.frv.
Heimasíðan er lykilvettvangur fyrir starfsemi félagsins, hér eiga allir jafn auðvelt með að koma inn og taka þátt – hvar sem þeir búa – og leggja til upplýsingar í upplýsingaveituna. Hér má ræða allt sem tengist söng og söngkennslu, segja frá upplifunum, tónleikum, óperusýningum, söngvurum, söngkennsluaðferðum o.s.frv. Efni sendist á bergthor.palsson@gmail.com Einnig má spjalla á FÍS-ibelg hér til vinstri, en hann er öllum opinn. Óskað er eftir því að fólk skrifi þar undir nafni. Endilega látið í ykkur heyra, heimasíðan verður hvorki betri né verri en það sem við, hvert og eitt okkar, leggjum af mörkum.
Í grænni tónleikaröð SÍ, fimmtudaginn 11. febrúar kl. 19.30 og föstudaginn 12. febrúar kl. 21.30, verða flutt Carmina burana e. Carl Orff, Dansar Baradjíns og Bolero e. Ravcl. Hljómsveitarstjóri: Rumon Gamba. Einsöngvarar: Hallveig Rúnarsdóttir, Jón Svavar Jósefsson, Mark Tucker, en hann hefur áður komið við sögu hjá SÍ, í Missa solemnis e. Beethoven vorið 2008. Kórar: Óperukórinn, Gradualekór Langholtskirkju
Miðaverð: 3.700/3.300
Miðasala á www.sinfonia.is , í síma 545 2500 og í Háskólabíói.
Með saltvatn og ótta í farteskinu - um hjálækningar óperusöngvara
Í afar merkri, læsilegri og athyglisverðri ritgerð (sem er lokaverkefni í BA-námi í þjóðfræði í HÍ) fjallar Ólöf Breiðfjörð (eiginkona Gunnars Guðbjörnssonar) um hjálækningar nokkurra íslenskra óperusöngvara, en ritgerðin byggist á viðtölum við sjö söngvara, þau Sverri Guðjónsson, Huldu Björk Garðarsdóttur, Sólrúnu Bragadóttur, Gunnar Guðbjörnsson, Ingveldi Ýri Jónsdóttur, Ágúst Ólafsson og Bjarna Thor Kristinsson. Einnig styðst hún við ýmsar rannsóknir sem snúa að hjálækningum og heilsufarsvandamálum óperusöngvara.
Í útdrætti segir ennfremur:
„Til að stuðla að raddlegu heilbrigði leitast viðmælendur mínir við að halda líkamlegri og andlegri heilsu í jafnvægi. Líkamlegir kvillar sem söngvarar reyna að forðast eða halda niðri eru til dæmis kvef, bakflæði, þurr slímhúð og þreyta. Söngvararnir nota meðal annars jurtir, te, vatn og saltvatnsskolun en forðast notkun sterka og fúkkalyfja vegna aukaverkana sem hafa slæm áhrif á heilsu og rödd. Þá er andlegt jafnvægi nauðsynlegt söngvurum enda veikist ónæmiskerfi líkamans ef streita og ótti þjakar þá. Viðmælendur mínir íhuga, biðja, gera verndandi æfingar og nota jákvæða hugsun til að halda andlegu jafnvægi og get á þann hátt verndað rödd sína.
Hjálækningar óperusöngvara eru starfsgreinahefð þeirra. Það eru einnig reynslusagnir og ráðleggingar um hjálækningar sem söngvarar gefa hver öðrum. Um leið og mikilvægum upplýsingum er miðlað styrkist hópurinn enda sameiginlegt markmið söngvara að stuðla að góðri raddheilsu.“
Ef fólk kýs að kaupa útprentað eintak, er hægt að hafa samband við Ólöfu á netfangið
Fræðslufundur með Ingveldi Ýri
Ingveldur Ýr Jónsdóttir kynnti æfingadiska sína á fræðslufundi FÍS 30. jan. sl. Þeir komu þannig til að nemendur hennar kvörtuðu yfir því að þeir kynnu ekki að æfa sig. Þess vegna útbjó hún disk, „Lærðu að syngja“ með útskýringum og grunnæfingum, öndun og sérhljóðum. Fyrir þá sem lengra voru komnir, gaf hún út „Lærðu að syngja meira“, þar sem æfingar eru meira krefjandi, meiri hreyfing og meiri hæð. Þá gaf hún út diskinn „Talrödd“ þar sem hún notar sinn leiklistarbakgrunn, með framsagnaræfingum. Diskarnir fást í Eymundsson, Austurstræti og Tónastöðinni, einnig er hægt að panta þá á
Hrólfur með Óp-hópnum í ÍÓ þri. 23. feb. kl. 12.15
Fimmtu hádegistónleikar Óp-hópsins í Íslensku óperunni í vetur verða þriðjudaginn 23. febrúar kl. 12.15. Fram koma flestir meðlimir hópsins, en sérstakur gestur á tónleikunum er Hrólfur Sæmundsson barítónsöngvari, sem syngur um þessar mundir við óperuhúsið í Aachen.
Á efnisskránni verða m.a. aríur og samsöngur úr óperunum Carmen, Pagliacci og Leðurblökunni.
Miðaverð er aðeins 1.000 kr. og taka tónleikarnir um 40 mínútur í flutningi. Gestir geta keypt samlokur, sælgæti og drykki í anddyri Íslensku óperunnar fyrir og eftir tónleikana.
Masterclass með Kristjáni og Sveini í Söngskóla SD í byrjun mars
Í byrjun mars verður Kristján Jóhannsson með söngnámskeið. Verkefnin verða óperuaríur með resitatífi. Með honum verður Sveinn Einarsson, leikstjóri og fv. Þjóðleikhússtjóri. Píanóleikari á námskeiðinu verður Marco Belluzzi, óperurepetiteur.
Sveinn mun hefja námskeiðið á föstudeginum með fyrirlestri um mikilvægi leikrænnar túlkunar og framsetningar í óperuflutningi. Í framhaldi mun Kristján vinna með söngvurunum í raddtækni og túlkun. Á laugardeginum verða einkatímar með Kristjáni og Marco, en á sunnudag mun Sveinn leiðbeina með sviðsframkomu.
Námskeiðið er haldið í Söngskóla Sigurðar Demetz og er opið öllum, en pláss er fyrir 10-15 þátttakendur.
1. dagur:
15-16 Fyrirlestur Sveins Einarssonar
16-21 Tilsögn hjá Kristjáni, hver þátttakandi fær 30 mín.
2. dagur:
Einkatímar með Kristjáni 30 mín. og síðan einkatími með Marco 30 mín.
3. dagur:
Sveinn og Kristján með tilsögn.
Námskeiðið er alls 16 klukkustundir og kostar kr. 25.000.- Skráning í síma 552-0600 og á . Nánari upplýsingar á heimasíðu skólans songskoli.is
Heildræn öndunar- tal og raddmeðferð
Á aðalfundi FÍS sagði Dagrún Hjartardóttir frá ráðstefnu í Dresden, sem hún fór á í lok ágúst sl. Þar voru samankomnir HNE læknar, talmeinafræðingar og söngkennarar á PEVOC (Pan European Voice Conference). Hún var beðin um að greina nánar frá erindi Marie-Luise Waubert de Puiseau um heildræna öndunar- tal og raddmeðferð og æfingar til að losa um streitu. Samantekt Dagrúnar má lesa hér að neðan.
‘Choice for Voice 2010’, will be held in London by the British Voice Association at (and with) the Royal Academy of Music on 15th, 16th and 17th July 2010, is 30th November.
‘Choice for Voice 2010’ will be sponsored by the British Voice Association at the Royal Academy of Music in London on 15th – 17th July 2010. Workshops, Free Papers and Masterclasses, 'Choice For Voice 2010'. To learn more about the event, or to download the call for papers information (deadline 30th November) Please go to the BVA website: british-voice-association.com
Að syngja fyrir í hinum stóra heimi
Mig langar að benda á frábæra heimasíðu sem getur hjálpað allsvakalega við að finna tækifæri til að syngja fyrir í hinum stóra heimi.
Ég fann þetta um daginn og skráði mig. Það kostar reyndar 50$ fyrir árið, en maður er að fá rosalega mikið fyrir þann pening.
Það er allavega allt í lagi að láta fólk vita af þessu, þar sem þetta hjálpar mjög mikið.
Ingveldur Ýr Jónsdóttir kynnti æfingadiska sína á fræðslufundi FÍS 30. jan. sl. Þeir komu þannig til að nemendur hennar kvörtuðu yfir því að þeir kynnu ekki að æfa sig. Þess vegna útbjó hún disk, „Lærðu að syngja“ með útskýringum og grunnæfingum, öndun og sérhljóðum. Fyrir þá sem lengra voru komnir, gaf hún út „Lærðu að syngja meira“, þar sem æfingar eru meira krefjandi, meiri hreyfing og meiri hæð. Þá gaf hún út diskinn „Talrödd“ þar sem hún notar sinn leiklistarbakgrunn, með framsagnaræfingum. Diskarnir fást í Eymundsson, Austurstræti og Tónastöðinni, einnig er hægt að panta þá á
Mig langar að benda á frábæra heimasíðu sem getur hjálpað allsvakalega við að finna tækifæri til að syngja fyrir í hinum stóra heimi.